E vehicle : 25 राज्यात इलेक्ट्रिक वाहन चार्जिंग स्टेशनला मान्यता

सरकारने FAME India च्या दुसऱ्या टप्प्यांतर्गत 25 राज्ये आणि केंद्रशासित प्रदेशातील 68 शहरांमध्ये दोन हजार 877 ( E vehicle ) इलेक्ट्रिक वाहन चार्जिंग स्टेशनला मंजुरी दिली आहे. इलेक्ट्रिक वाहनांच्या मोठ्या प्रमाणात वापरासाठी आवश्यक पायाभूत सुविधांमध्ये सुधारणा करण्यासाठी सरकारने 2015 मध्ये FAME India योजना तयार केली.

अवजड उद्योग राज्यमंत्री कृष्ण पाल गुर्जर यांनी आज लोकसभेत एका प्रश्नाच्या लेखी उत्तरात ही माहिती दिली. ते म्हणाले की FAME इंडिया योजनेअंतर्गत नऊ एक्स्प्रेसवे आणि 16 महामार्गांवर एक हजार 576 चार्जिंग स्टेशन ( Charging Station ) मंजूर करण्यात आले आहेत. ते म्हणाले की, FAME India योजनेच्या पहिल्या टप्प्यांतर्गत यावर्षी 1 जुलैपर्यंत 479 चार्जिंग स्टेशन उघडण्यात आले आहेत. पुढे ते म्हणाले, FAME-इंडिया योजनेच्या दुसऱ्या टप्प्यांतर्गत 1 एप्रिल 2019 पासून पाच वर्षांच्या कालावधीसाठी चार्जिंग पायाभूत सुविधांच्या विकासासाठी एक हजार कोटी रुपयांची तरतूद करण्यात आली आहे. ( Charging Station )