क्वाड देशांच्या ( Quad countries ) शिखर परिषदेसाठी प्रधानमंत्री PM Modi जपानमध्ये दाखल

क्वाड देशांच्या नेत्यांच्या शिखर परिषदेत सहभागी होण्यासाठी प्रधानमंत्री नरेंद्र मोदी ( PM Modi )आज पहाटे जपानमधल्या टोक्यो Tokyo इथं पोहोचले.

टोक्योमध्ये पोहोचल्यानंतर जपानमध्ये असलेल्या भारतीयांनी ( Indian ) प्रधानमंत्र्यांचं उत्स्फूर्त स्वागत केलं. विविध भारतीय भाषांमध्ये लिहिलेले स्वागताचे फलक हातात घेऊन भारतीय मुलं प्रधानमंत्र्यांचं वास्तव्य असलेल्या जागेजवळ उभी होती.

भारतासह जपान ( Japan ), ऑस्ट्रेलिया ( Australia )आणि अमेरिका ( America )या चार देशांचा समूह क्वाड समूह म्हणून ओळखला जातो. हिंद – प्रशांत महासागर क्षेत्रात शांतता, विकास आणि सहकार्य हे क्वाड देशांच्या संघटनेचं उद्दिष्ट आहे.

आपल्या दोन दिवसांच्या भेटीमध्ये शिखर परिषदेव्यतिरिक्त मोदी जपानचे प्रधानमंत्री फ़ुमिओ किशिदा ( fumio kishida ), अमेरिकेचे अध्यक्ष जो बायडन ( Joe Biden )आणि ऑस्ट्रलियाचे नवनिर्वाचित प्रधानमंत्री अॅन्थनी अल्बानीज ( Anthony Albanese )यांच्यासोबत द्विपक्षीय चर्चा करणार आहेत. आपल्या या दौऱ्यात प्रधानमंत्री मोदी जपानमधल्या उद्योजक – व्यवसाय प्रतिनिधींसोबत बैठक घेणार आहेत. तसंच जपानमधल्या भारतीय वंशांच्या नागरिकांशी संवादही साधणार आहेत.

जपानमध्ये ( Japan )सुमारे ४० हजार भारतीय लोक राहतात.भारताच्या जपानबरोबरच्या संबंधांचे दूत असलेल्या या सर्वांसोबत संवाद साधण्यास आपण उत्सुक आहोत, असं प्रधानमंत्र्यांनी जपान दौऱ्यावर जाण्यापूर्वी जारी केलेल्या निवेदनात म्हटलं आहे.