भारतीय रेल्वेने “रेल्वे कौशल विकास योजना” सुरू केली

Spread the love

भारतीय रेल्वेने प्रधानमंत्री कौशल विकास योजना म्हणजेच PMKVY”च्या अंतर्गत “रेल कौशल विकास योजना RKVY”

या RKVY योजनेचे लोकार्पण रेल्वे मंत्री अश्विनी वैष्णव यांनी केले आहे. हे मिशन भारतभरातील 75 रेल्वे प्रशिक्षण संस्थांच्या मदतीने उद्योग संबंधित कौशल्यांमध्ये रेल्वेला एंट्री लेव्हलचे प्रशिक्षण देणार आहे. हे मिशन आझादी का अमृत महोत्सवाच्या 75 वर्षांचा भाग म्हणून उद्योगाशी संबंधित कौशल्यांमध्ये प्रशिक्षण देऊन तरुणांना सशक्त बनवण्याचा प्रयत्न करते.

मिशनचे महत्त्व –

या मिशनमध्ये पं. नरेंद्र मोदी यांच्या कौशल्य विकासाची उददिष्टे समाविष्ट आहेत. या मिशनमध्ये सुमारे 50 हजार तरुणांना प्रशिक्षण देण्यात येणार आहे. त्यामध्ये गुणात्मक सुधारणा घडवून आणण्यासाठी तरुणांना प्रशिक्षण देण्याच्या उद्देशाने ही योजना सुरू करण्यात आली आहे. या मिशन अंतर्गत, दुर्गम भागात प्रशिक्षण देखील आयोजित करण्यात येणार आहे. याव्दारे तरुणांच्या रोजगारक्षमतेत सुधारणा होणार आहे. तसेच स्वयंरोजगाराची कौशल्ये देखील विकसित होणार आहेत. हे कंत्राटदारांबरोबर री-स्किलिंग आणि अप-स्किलिंगद्वारे काम करणाऱ्यांना देखील पूर्ण करेल.

RKVY अंतर्गत प्रशिक्षण –

या स्कीम अंतर्गत, 50000 उमेदवारांना तीन वर्षांच्या कालावधीत प्रशिक्षण देण्यात येणार आहे. दरम्यान, सुरुवातीच्या टप्प्यात 1000 उमेदवारांना प्रशिक्षण दिले जाईल. त्याचबरोबर तरुणांना इलेक्ट्रिशियन, वेल्डर, मशिनिस्ट आणि फिटर या ट्रेडमध्ये प्रशिक्षण देण्यात येणार आहे. शिवाय मिशनमध्ये 100 तासांच्या प्राथमिक प्रशिक्षणांचा समावेश करण्यात आला आहे. त्यानंतरच्या टप्प्यात, झोनल रेल्वे प्रशिक्षण कार्यक्रमांमध्ये इतर व्यापार जोडण्यात येणार आहेत. यामध्ये युवकांना मोफत प्रशिक्षण देण्यात येणार आहे. त्याचबरोबर यामध्ये सहभागींना इयत्ता 10वीच्या गुणांच्या आधारे ऑनलाईन प्राप्त झालेल्या अर्जांमधून निवडले जाईल. यासाठी 10 वी उत्तीर्ण उमेदवार अर्ज करण्यास पात्र असतील.