PFI च्या पुण्यात पाकिस्तान झिंदाबादच्या घोषणा, काय म्हणाले शिंदे – फडणविस

Devendra Fadnavis On PFI – PFI च्या घोषणा !

देशभरातील पॉप्युलर फ्रंट ऑफ इंडियाच्या ( PFI ) कार्यालयांवर छापे टाकल्यानंतर या संघटनेचे समर्थक ठिकठिकाणी निदर्शने करत आहेत. दरम्यान, शुक्रवारी महाराष्ट्रातील पुण्यात झालेल्या निदर्शनेदरम्यान ‘पाकिस्तान झिंदाबाद’च्या घोषणा देण्यात आल्या. त्याचा व्हिडिओही व्हायरल होत आहे. त्याचवेळी छत्रपती शिवाजी महाराजांच्या भूमीवर देशविरोधी घोषणा खपवून घेतल्या जाणार नाहीत, असे मुख्यमंत्री एकनाथ शिंदे ( CM Eknath Shinde ) यांनी म्हटले आहे.

मिळालेल्या माहितीनुसार, एनआयएच्या ( NIA ) पथकाने महाराष्ट्रातील पुणे ( Pune ) येथील पीएफआयच्या कार्यालयावर छापा टाकला. यादरम्यान पीएफआय समर्थकांनी जिल्हाधिकारी कार्यालय गाठून आंदोलन सुरू केले. मीडिया रिपोर्ट्सनुसार, पोलिसांनी काही लोकांना ताब्यात घेतले. यावेळी तेथे उपस्थित काही कार्यकर्त्यांनी देशविरोधी घोषणाबाजी सुरू केली.

पुण्यातील निषेधाचे काही व्हिडिओ व्हायरल झाले आहेत, ज्यामध्ये काही लोक ‘अल्ला हू अकबर’ तसेच ‘पाकिस्तान झिंदाबाद’च्या घोषणा देत आहेत. आंदोलनावर तातडीने कारवाई करत एका आरोपीला अटक केल्याचे पोलिसांचे म्हणणे आहे. तसेच परवानगीशिवाय निदर्शने केल्याप्रकरणी 60-70 जणांवर गुन्हा दाखल करण्यात आला आहे. याशिवाय मुख्य आरोपीची ओळख पटली असून त्याचे नाव रियाझ सय्यद ( Riyaj Sayad ) असे आहे.

CM शिंदे म्हणाले –

शिवाजी महाराजांच्या भूमीवर देशविरोधी घोषणा खपवून घेतल्या जाणार नाहीत. महाराष्ट्राचे मुख्यमंत्री एकनाथ शिंदे म्हणाले की, छत्रपती शिवाजी महाराजांच्या भूमीवर देशविरोधी घोषणा खपवून घेतल्या जाणार नाहीत. त्यांनी ट्विट केले- पुण्यात पाकिस्तान झिंदाबादचे ( Pakistan Jindabad ) नारे लागले. त्याचा निषेध करावा तेवढा थोडाच आहे. पोलीस योग्य ती कारवाई नक्कीच करतील, मात्र अशा घोषणा खपवून घेतल्या जाणार नाहीत.

फंडवीस ( Devendra Fhadanvis ) म्हणाले – आरोपींवर कठोर कारवाई केली जाईल

याप्रकरणी महाराष्ट्राचे उपमुख्यमंत्री देवेंद्र फडणवीस यांची प्रतिक्रिया समोर आली आहे. प्रसारमाध्यमांशी बोलताना ते म्हणाले की, महाराष्ट्रात आणि भारतात कोणी नापाक हेतूने पाकिस्तान झिंदाबादचा नारा लावत असेल तर त्याच्यावर कडक कारवाई केली जाईल.

राष्ट्रीय तपास संस्थेने (NIA) गुरुवारी रात्री 15 राज्यांमधील पॉप्युलर फ्रंट ऑफ इंडिया (PFI) च्या 93 ठिकाणांवर छापे टाकले. टेरर फंडिंग प्रकरणी करण्यात येत असलेल्या या कारवाईत पीएफआयच्या 106 सदस्यांना अटक करण्यात आली आहे. मीडिया रिपोर्ट्सनुसार अटक करण्यात आलेल्यांमध्ये संघटनेचे प्रमुख ओमा सलाम ( Oma Salam ) यांचाही समावेश आहे.

NIA सूत्रांनी सांगितले- 5 प्रकरणांमध्ये 45 जणांना अटक करण्यात आली आहे. हे पीएफआय नेते, कॅडर दहशतवाद आणि दहशतवादी कारवायांसाठी पैसे देणारे, शस्त्रे वापरण्याचे प्रशिक्षण देणारे लोक आहेत. हे लोकांना बंदी घातलेल्या संघटनांमध्ये सामील होण्यासाठी कट्टरपंथी बनवायचे.

या राज्यांमध्ये कारवाई केली –

एनआयए आणि ईडीची ही कारवाई उत्तर प्रदेश, केरळ, कर्नाटक, आंध्र प्रदेश, तेलंगणा, तामिळनाडू, आसाम, महाराष्ट्र, बिहार, पश्चिम बंगाल, मध्य प्रदेश, पुद्दुचेरी आणि राजस्थानमध्ये झाली. या कारवाईदरम्यान, गृहमंत्री अमित शाह यांच्या अध्यक्षतेखाली गृह मंत्रालयात उच्चस्तरीय बैठक झाली. या बैठकीत एनएसए अजित डोवाल, गृह सचिव अजय भल्ला आणि एनआयएचे महासंचालक उपस्थित होते.

छाप्याची 3 मोठी कारणे…

1. राज्यांमध्ये टेरर फंडिंगचे आरोप : NIA अधिकाऱ्यांकडून मिळालेल्या माहितीनुसार, कर्नाटक, केरळ, तामिळनाडू आणि हैदराबादमध्ये दहशतवादी कारवाया वाढवण्यासाठी मोठ्या प्रमाणात टेरर फंडिंग करण्यात आले आहे. तपास यंत्रणेने ही कारवाई केली.
2. प्रशिक्षण शिबिरे सुरू केल्याचा आरोप : एनआयएला माहिती मिळाली होती की पीएफआय गेल्या काही महिन्यांपासून अनेक राज्यांमध्ये मोठ्या प्रमाणावर प्रशिक्षण शिबिरे आयोजित करत आहे. यामध्ये शस्त्रे चालवण्याचे प्रशिक्षण देण्याबरोबरच लोकांचे ब्रेनवॉशही केले जात होते.
3. या वर्षी जुलैमध्ये पाटण्याजवळील फुलवारी शरीफमध्ये सापडलेल्या दहशतवादी मॉड्यूलबाबत छापे टाकण्यात आले होते. फुलवारी शरीफ येथे PFI च्या सदस्यांकडून India 2047 नावाचा 7 पानी कागदपत्र सापडला. यामध्ये येत्या 25 वर्षात भारताला मुस्लिम राष्ट्र बनवण्याची योजना होती.

Pakistan jindabad ghoshana in pune

Join Whatsapp for Daily Updates

https://chat.whatsapp.com/DbUd8DoK4SjK2Jwss1yMxZ

Eknath Shinde – Sambhaji Raje Chhatrapati : एकनाथ शिंदे – संभाजीराजे छत्रपती यांची नवी दिल्लीत भेट

India Vs Australia 20-20 Cricket 2nd match Today

Shivsena Dasara Melava 2022 : दोन्हीही गटांना शिवाजी पार्कवर परवानगी नाही

Ekanth Shinde On Uddhav Thackeray : बापाचा विचार विकणारी टोळी

मुख्यमंत्र्यांसारखी ( CM Eknath Shinde ) वेशभूषा करणे पडले महागात

Maharashtra 10th & 12th Exam 2023 – इयता 10th आणि 12th परीक्षांच्या संभाव्य तारखा जाहीर

BMW project move from Maharashtra to Tamil Nadu | BMW चा प्रकल्प महाराष्ट्रातून – तामिळनाडूला का गेला ?